Qazaqstannyń basym bóliginde senbi kúni qarly bolady
ASTANA. QazAqparat - Qazaqstannyń basym bóliginde senbi kúni qar jaýady. Keı jerlerde tuman túsedi, kóktaıǵaq bolady, burqasyndy jeldiń ekpini kúsheıe túsedi, dep habarlady «Qazgıdromet» RMK.
Almaty oblysyndaǵy Jalańashkól aýdanynda jeldiń kúshi 20-25 m/s-qa, uıytqýy - 30 m/s-qa jetedi. Aqmola, Qostanaı, Soltústik Qazaqstan, Qaraǵandy oblystarynda jeldiń kúshi 15-20 m/s-qa, keı jerlerde uıtqýy 23-25 m/s-qa deıin kúsheıip, burqasyndatady.
Atyraý, Aqtóbe, Shyǵys Qazaqstan oblystarynda keı jerlerde jeldiń ekpini 15-20 m/s bolyp, burqasyn kóteriledi.
Jambyl oblysynda keı jerlerde tuman túsedi, kóktaıǵaq bolady, jeldiń kúshi 15-20 m/s. Ońtústik Qazaqstan, Mańǵystaý oblystarynda keı jerlerde tuman túsedi, kúndiz jel 15-20 m/s-qa deıin kúsheıedi.
Qyzylorda oblysynda keı jerlerde jeldiń kúshi 15-20 m/s. Pavlodar oblysynda jel 17-22 m/s-qa deıin kúsheıip burqasyndatady.
