Qazaqstannyń basym bóliginde sársenbide jaýyndy bolyp, naızaǵaı oınaıdy
ASTANA. QazAqparat - Qazaqstannyń basym bóliginde sársenbi kúni atmosferalyq aǵyndardyń ótýimen jaýyndy bolyp, naızaǵaı oınaıdy, respýblıkanyń ortalyǵy men ońtústiginde ǵana kún raıy ashyq bolady. Keı jerlerde jel kúsheıedi, ońtústikte shańdy daýyl kóteriledi, dep habarlady «Qazgıdromet» RMK.
Jambyl, Ońtústik Qazaqstan, kúndiz Qyzylorda oblystarynda keı jerlerde jel 15-20 m/s-qa deıin kúsheıip, shańdy daýyl kóteriledi.
Batys Qazaqstan, túnde Pavlodar oblystarynda, tańerteń jáne kúndiz Atyraý oblystarynda, Qostanaı oblysynyń keı jerlerinde aptap ystyq saqtalady, Atyraý oblysynda kúndiz aýa raıy qatty ysıdy.
Qyzylorda, Ońtústik Qazaqstan oblystarynda, Jambyl oblysynyń keı jerlerinde órt qaýpi óte joǵary.
