Qazaqstannyń basym bóliginde kúshti jel turyp, jańbyr jaýyp, birqatar oblystarda qatqaq sýyq bolady
TANA. 6 qazan. QazAqparat - Atmosferalyq aǵyndardyń ótýine baılanysty Qazaqstannyń basym bóliginde kúshti jel turyp, jańbyr jaýady, dep habarlaıdy Qazgıdrometke silteme jasaı otyryp QR TJM baspasóz qyzmeti.
Batys Qazaqstan, Aqmola, Pavlodar, Qaraǵandy, Almaty, Ońtústik Qazaqstan, Qyzylorda oblystarynda, túnde Jambyl, al kúndiz Atyraý, Qostanaı oblystarynda sekýndyna 15-20 metr jyldamdyqta jel soǵady dep boljanýda.
Shyǵys Qazaqstan oblysynda jeldiń kúshi sekýndyna 18-23 metr, keıde sekýndyna 28 metr jyldamdyqqa jetedi.
Soltústik Qazaqstan, kúndiz Aqtóbe oblystarynyń keı jerlerinde sekýndyna 15-20 metr jyldamdyqta jel soǵyp, keıbir jerde túnde jáne tańerteń tuman túsedi.
Buryn habarlaǵanymyzdaı, 6-8 qazan kúnderi Qostanaı, Soltústik Qazaqstan, Aqmola, Jambyl oblystarynda, 7-8 qazan kúnderi túnde Aqtóbe, Almaty, Shyǵys Qazaqstan, Pavlodar oblystarynyń keı jerlerinde aýa temperatýrasy 0-3 gradýsqa deıin tómendeıdi. 6-8 qazan kúnderi túnde Qaraǵandy oblysynda kún 0-5 gradýsqa deıin sýytady.
