Qazaqstannyń basym bóliginde kúshti jel turyp, kóktaıǵaq, jaýyn-shashyn kútilýde - Qazgıdromet
TANA. 29 qarasha. QazAqparat - Seısenbi kúni Qazaqstannyń batysynda jaýyn-shashyn, tuman, kóktaıǵaq pen uıytqyma jel kútiledi. Eldiń shyǵysynda jekelegen jerlerde kúshti jel turyp, qar jaýady, tuman, kóktaıǵaq bolady. Bul týraly «Qazgıdromet» qyzmetinen habarlady.
Atap aıtqanda, Qaraǵandy, Almaty, túnde Ońtústik Qazaqstan oblystarynyń jekelegen aýmaqtarynda tumandy bolady.
Jambyl, kúndiz Mańǵystaý oblysynda tuman men kóktaıǵaq kútilýde.
Aqtóbe jáne Qostanaı oblystarynyń keı óńirlerinde jaıaý burqasyn júrip, 15-20 m/s jyldamdyqpen jel soǵady.
Batys Qazaqstan oblysynda kóktaıǵaq bolyp, sekýndyna 15-20 metr kúshpen jel soǵady. Atyraý oblysynyń keı jerlerine tuman túsedi, 17-22 m/s jyldamdyqta jel turady.
Al Astanada kún ala bultty, jaýyn-shashynsyz. Ońtústik-batystan sekýndyna 9-14 jyldamdyqpen jel soǵady. Aýanyń temperatýrasy kúndiz -9-11, túnde -17-19 gradýsty quraıdy.
