12:00, 19 Qyrkúıek 2022 | GMT +6
Qazaqstannyń basym bóliginde kún jyly bolady
ASTANA. QazAqparat - Jyly aýa raıyn saǵynǵandar úshin jaqsy jańalyq. Qazaqstannyń basym bóliginde kún shyǵyp, aýa raıy jaýyn-shashynsyz bolady, dep habarlaıdy QazAqparat Qazgıdrometke silteme jasap.
«Túnniń kezinde kún salqyn bolǵanymen, kúndizgi ýaqytta termometr baǵany Qazaqstannyń barlyq aýmaǵynda derlik 23-30 gradýs jyly bolady. Tek batys jáne ońtústik-shyǵys aýdandarda aýa raıy qubylmaly, kún kúrkirep, jańbyr jaýyp ótýi múmkin», - delingen sınoptıkterdiń habarlamasynda.
