Qazaqstannyń basym bóliginde kún jaýyn-shashynsyz bolady - aýa raıy boljamy
ASTANA. 20 qarasha. QazAqparat - Qazaqstannyń basym bóliginde antıtsıklon yqpalymen aýa raıy jaýyn-shashynsyz bolady dep kútilýde. Respýblıkanyń shyǵys, ońtústik-shyǵys bóliginde turaqsyz aýa raıy saqtalady, atmosferalyq aǵyndardyń ótýine baılanysty keı jerlerde jaýyn-shashyn bolady dep kútilýde, kóbinese qar jaýady, tuman túsedi, kóktaıǵaq bolady, burqasyndatyp, jel kúsheıedi.
Bul týraly «Qazgıdromet» RMK-ǵa silteme jasap QR TJM baspasóz qyzmetinen habarlady.
Jambyl oblysynda túnde jáne tańerteń keı jerlerde tuman túsedi dep kútilýde, kóktaıǵaq bolady, azdaǵan burqasyn soǵyp,
kúndiz jekelegen aýdandarda jel 15-20 m/s-ke kúsheıedi.
Shyǵys Qazaqstan oblysynda keı jerlerde azdaǵan burqasyn soǵyp, kóktaıǵaq bolady, jel 15-20 m/s-ke kúsheıedi.
Soltústik Qazaqstan oblysynda keı jerlerde jel 15-20 m/s-ke jetip, túnde jekelegen aýdandarda kóktaıǵaq bolady dep kútilýde.
Ońtústik Qazaqstan oblysynyń birqatar aımaqtarynda tuman túsedi, jel 15-20 m/s-ke deıin kúsheıedi.
Qyzylorda, Qostanaı oblystarynda keı jerlerde tuman túsedi dep boljanýda, kúndiz jekelegen aýdandarda jel 15-20 m/s-ke deıin jetedi.
Aqmola, Mańǵystaý, Atyraý, Batys Qazaqstan oblystarynda keı jerlerde jel jyldamdyǵy 15-20 m/s-ke jetedi. Túnde Qaraǵandy oblysynyń jekelegen aýdandarynda tuman túsedi dep kútilýde.
Aldaǵy táýlikte Ońtústik Qazaqstan oblysy jáne Qyzylorda oblysynyń ońtústik aýmaǵynda ózen salalaryn retteýge baılanysty Syrdarııa ózeninde sý kóleminiń ulǵaıýy jalǵasady. Boran aýyly mańyndaǵy Qara Ertis ózeninde sý deńgeıiniń turaqsyzdyǵy baıqalady. Batys Altaıdyń jekelegen ózenderinde (Buqtyrma, Oba jáne t. b.) sý deńgeıiniń kóterilýi yqtımal.
