Qazaqstannyń basym bóliginde kún qubylmaly bolady
ASTANA. QazAqparat - Qazaqstannyń kóp bóliginde aýa raıy qubylyp, kún kúrkirep, ótkinshi jaýyn jaýyp, jel kúsheıedi. Tek batysta, ońtústik, ońtústik-shyǵysta kún ashyq bolady dep kútiledi, dep habarlaıdy "Qazgıdromet".
Aqmola, Qostanaı, Shyǵys Qazaqstan, kúndiz Ońtústik Qazaqstan, Soltústik Qazaqstan, Pavlodar, Qaraǵandy, túnde Almaty oblystarynda keı jerlerde jeldiń ekpini sekýndyna 15-20 metrge deıin kúsheıedi.Mańǵystaý oblysynda keı jerlerde shań aralasqan jel turyp, sekýndyna 15-20 metrge deıin jetedi. Kúndiz Jambyl, Qyzylorda, Mańǵystaý, Shyǵys Qazaqstan, Aqmola, Qaraǵandy, Aqtóbe, Qostanaı, Almaty, Ońtústik Qazaqstan oblystarynda qatty ystyq bolady dep kútilýde. Respýblıkanyń ońtústigi, batysta keı jerlerde, sotústik-batys, soltústik, ońtústik-shyǵysy men ortalyǵynda joǵary órt qaýpi saqtalady. Aldaǵy táýlikterde respýblıkanyń ońtústigi, ońtústik-shyǵysy men shyǵysynda sý deńgeıiniń aýytqýy múmkin.
