Qazaqstannyń basym bóliginde kún ashyq bolady - 6 naýryzdaǵy aýa raıy boljamy
ASTANA. QazAqparat - Qazaqstan aýmaǵynyń basym bóligi burynǵysha antıtsıklon yqpalynda bolýymen baılanysty kún raıy ashyq bolady, respýblıkanyń ońtústiginde ǵana atmosferalyq aǵyndardyń ótýimen keı jerlerde jaýyn-shashyn bolady, dep habarlady QR ІІM Tótenshe jaǵdaılar komıteti «Qazgıdrometke» silteme jasap.
Respýblıkanyń keı jerlerinde tuman túsedi. Aqmola oblysynda keı jerlerde tuman túsip, kúndiz jel 15-20 m/s-qa deıin kúsheıedi. Jambyl, Qyzylorda, Mańǵystaý, Atyraý, Batys Qazaqstan, Aqtóbe, Qostanaı, Soltústik Qazaqstan, Pavlodar, Qaraǵandy, Shyǵys Qazaqstan oblystarynda keı jerlerde tuman túsedi. Almaty oblysyndaǵy Jalańashkól aýdanynda jeldiń ekpini 15-20 m/s-qa deıin kúsheıedi. Ońtústik Qazaqstan oblysynda tańerteń jáne kúndiz keı jerlerde jel 15-20 m/s-qa deıin kúsheıedi.
Taıaýdaǵy táýlikterde Syrdarııanyń tómengi aǵysynda, Almaty oblysynyń ózenderinde (Іle, Talas, Qaratal, Shynjaly, Tentek jáne basqalary) muz qabaty álsirep, sý deńgeıiniń qubylýy kútilýde.
