Qazaqstannyń basym bóliginde qubylmaly aýa raıy saqtalady
ASTANA. QazAqparat - Búgin Qazaqstan aýmaǵynyń basym bóliginde qubylmaly, jaýyn-shashyndy aýa raıy saqtalady, tek batysta, ońtústik-batysta jaýyn-shashyn bolmaıdy. Keı jerlerinde jel kúsheıip, tuman, kóktaıǵaq kútiledi, dep habarlaıdy Qazgıdromet.
Jambyl oblysynyń keı jerlerinde tuman kútiledi, jeldiń jyldamdyǵy 15-20 m/s, kúndiz ekpini 23-28 m/s bolady, oblystyń ońtústik-batysynda 30 m/s-dan asady.
Túrkistan oblysynyń keı jerlerinde tuman bolyp, jeldiń jyldamdyǵy 15-20 m/s, kúndiz ekpini 25 m/s-ǵa jetedi.
Aqmola, Qyzylorda, Qostanaı, Qaraǵandy, Soltústik Qazaqstan, Pavlodar, Shyǵys Qazaqstan oblystarynyń keı jerlerinde tuman kútilip, kóktaıǵaq bolady, jeldiń jyldamdyǵy 15-20 m/s-ǵa deıin kúsheıedi.
Almaty, Mańǵystaý oblystarynyń keı jerlerinde kúndiz jeldiń kúshi 15-20 m/s-ǵa jetedi.
Atyraý oblysynda túnde jáne tańerteń tuman kútiledi.
