Qazaqstannyń basym bóliginde keı jerlerde jańbyr jaýyp, jel kúsheıedi - 1 qazandaǵy aýa raıy boljamy
ASTANA. QazAqparat - Qazaqstannyń basym bóliginde atmosferalyq aǵyndardyń ótýimen keı jerlerde jańbyr jaýyp, jel kúsheıedi, respýblıkanyń soltústiginde keı jerlerde tuman túsýi kútiledi, dep habarlady Tótenshe jaǵdaılar komıteti «Qazgıdrometke» silteme jasap.
Jambyl, Ońtústik Qazaqstan, Mańǵystaý, Atyraý, Batys Qazaqstan, Aqtóbe, Pavlodar, Qaraǵandy, Shyǵys Qazaqstan oblystarynda keı jerlerde jeldiń ekpini 15-22 m/s-qa deıin kúsheıedi. Kúndiz Aqmola oblysynda keı jerlerde jeldiń 15-20 m/s-qa deıin kúsheıýi kútiledi, túnde jáne kúndiz keı jerlerde tuman túsedi. Almaty oblysynda keı jerlerde jel 15-20 m/s-qa deıin kúsheıip, shańdy daýyl kóteriledi. Qostanaı, Soltústik Qazaqstan oblystarynda keı jerlerde jeldiń kúshi 15-20 m/s-qa deıin jetedi, tuman túsedi.
Respýblıkanyń batysynda, soltústik-batysynda, ońtústiginde, ońtústik-shyǵysynda, shyǵysynda jáne ortalyǵynda keı jerlerde joǵary órt qaýpi saqtalady.
Taıaýdaǵy táýlikterde respýblıkanyń ońtústigi men ońtústik-shyǵysyndaǵy ózenderde sý betiniń qubylýy baıqalady, Shyǵys Qazaqstan oblysynyń keıbir ózenderinde jańbyr jaýýyna baılanysty sý deńgeıi kóteriledi.
Búgin Almaty oblysynyń keıbir taý ózenderinde nóser jańbyrdyń áserinen tasqyn júrip, betkeılik sý aǵyny bolýy yqtımal.
