Qazaqstannyń basym bóliginde qarly burqasyn kóterilip, tuman túsip, kóktaıǵaq bolady dep kútilýde - 24 qańtarǵa arnalǵan aýa raıy boljamy
ASTANA. 23 qatar. QazAqparat - QR Qorshaǵan ortany qorǵaý mınıstrligi «Qazgıdromet» RMK-niń boljamynsha, erteń Qazaqstannyń basym bóligi frontaldi aǵymdardyń yqpalynda bolady,
soǵan baılanysty aýa raıy turaqsyz bolady - qar jaýyp, qarly burqasyn kóterilip, jel kúsheıip, jekelegen aýdandarda tuman túsip, kóktaıǵaq bolady.
Tek respýblıkanyń ońtústik-shyǵysynda ǵana aýa raıy jaýyn-shashynsyz bolady.
Almaty oblysynda túnde keı jerlerde tuman túsedi, Jalańashkól aýdanynda 18-23 m/s jyldamdyqpen jel soǵady, kúndiz onyń ekpini 28 m/s-qa deıin jetedi.
Aqmola, Soltústik Qazaqstan, Pavlodar, Shyǵys Qazaqstan oblystarynda keı jerlerde qarly burqasyn bolady, 15-22 m/s jyldamdyqpen jel soǵady, Shyǵys Qazaqstan, Pavlodar oblystarynda jeldiń ekpini 26 m/s-ty quraıdy.
Qostanaı, Qaraǵandy oblystarynda qarly burqasyn aralas 15-20 m/s jyldamdyqpen jel soǵady, túnde jáne tańerteń tuman túsedi, kúndiz kóktaıǵaq bolady.
Atyraý, Batys Qazaqstan, Aqtóbe oblystarynda tuman túsip, kóktaıǵaq bolady.
Jambyl, Ońtústik Qazaqstan, Qyzylorda oblystarynda keı jerlerde tuman túsedi, 15-20 m/s jyldamdyqpen jel soǵady, Qyzylorda oblysynda kóktaıǵaq bolady.
Mańǵystaý oblysynda tuman túsedi.
Aldaǵy táýlikterde respýblıkanyń ońtústik, ońtústik-shyǵys jáne shyǵysyndaǵy ózenderde sý deńgeıiniń aýytqýshylyǵy baıqalady; respýblıkanyń ońtústik jáne ońtústik-shyǵysyndaǵy jekelegen taýly ózenderinde muz qatý úrdisi baıaýlaıdy.
