Qazaqstannyń basym bóliginde qar jaýyp, qarly burqasyn bolady, jel kúsheıip, jekelegen aýdandarda tuman túsip, kóktaıǵaq ornaıdy - sınoptıkter
ASTANA. 30 jeltoqsan. QazAqparat - Búgin Qazaqstannyń basym bóliginde atmosferalyq aǵymdardyń ótýine baılanysty aýa raıy turaqsyz bolady dep habarlaıdy QR TJM «Qazgıdrometke» silteme jasap.
Qar jaýyp, qarly burqasyn bolady, jel kúsheıip, jekelegen aýdandarda tuman túsip, kóktaıǵaq ornaıdy dep kútilýde.
Tek respýblıkanyń ońtústik jáne ońtústik-shyǵysy antıtsıklonnyń yqpalynda bolady, soǵan baılanysty aýa raıy jaýyn-shashynsyz bolady dep kútilýde.
Pavlodar oblysynda qarly burqasyn bolady, 15-20 m/s jyldamdyqpen jel soǵady, túnde keı jerlerde jeldiń ekpini 25 m/s-qa deıin jetedi.
Aqmola oblysynda 15-20 m/s jyldamdyqpen jel soǵady, keı kezderi jeldiń ekpini 25 m/s-qa deıin jetip, qarly burqasyn bolady. Atyraý, Aqtóbe, Qostanaı, Soltústik Qazaqstan, Shyǵys Qazaqstan oblystarynda keı jerlerde boran bolyp, 15-22 m/s jyldamdyqpen jel bolady dep kútilýde.
Batys Qazaqstan oblysynda keı jerlerde boran bolyp, jeldiń ekpini 15-20 m/s-qa jetedi, tuman túsip, kóktaıǵaq ornaıdy.
Mańǵystaý oblysynda 15-20 m/s-qa deıin jel kúsheıedi, kúndiz tuman túsip, kóktaıǵaq ornaıdy.
Jambyl oblysynda keı jerlerde tuman túsip, kúndiz 15-20 m/s jyldamdyqpen jel soǵady.
Ońtústik Qazaqstan oblysynda keı jerlerde tuman túsedi.
Qyzylorda oblysynda 15-20 m/s-qa deıin jel kúsheıedi.
Almaty oblysynda Alakól mańynda 15-20 m/s jyldamdyqpen jel soǵady, jel ekpini 25 m/s-qa deıin jetýi yqtımal.
Almaty, Ońtústik Qazaqstan oblystarynda keı jerlerde qatty aıaz bolady dep kútilýde.
Aldaǵy táýlikte respýblıkanyń ońtústigi men ońtústik-shyǵysyndaǵy ózenderdiń basym bóliginde, sonyń ishinde Syrdarııa ózeninde muz qatý protsesi kúsheıedi, jekelegen ózenderde sý deńgeıi kóterilýi yqtımal. Qazaqstannyń ózge sýly nysandarynda gıdrologııalyq rejimde eleýli ózgerister bolmaıdy.
