Qazaqstannyń basym bóliginde qar jaýady – cársenbige arnalǵan aýa raıy
NUR-SULTAN. QazAqparat – Qazgıdromet 30 jeltoqsanǵa arnalǵan aýa raıy boljamyn usynady, dep habarlaıdy QazAqparat.
Atmosferalyq aýa aǵyndardyń ótýine baılanysty respýblıkanyń soltústik-batysynda, soltústiginde, ortalyǵynda, shyǵysynda jáne ońtústik-shyǵysynda qar jaýady.
Qazaqstannyń qalǵan aýmaqtarynda Soltústik antıtsıklon yqpal etedi, sondyqtan jaýyn-shashynsyz aýa raıy saqtalady. Respýblıkanyń keı jerlerinde tuman, jaıaý burqasyn, jeldiń kúsheıýi kútiledi.
Shyǵys Qazaqstan oblysynyń keı jerlerinde tuman, jaıaý burqasyn kútiledi, jeldiń kúshi 15-20, túnde ekpini 23 m/s kúsheıedi. Aqmola oblysynyń keı jerlerinde jaıaý burqasyn, jeldiń kúsheııýi 15-20 m/s kútiledi. Almaty oblysynyń keı jerlerinde – tuman, Jalańashkól aımaǵynda jel 18-23 m/s kúsheıedi.
Pavlodar, Qaraǵandy oblystarynyń keı jerlerinde tuman, jaıaý burqasyn kútiledi. Jambyl, Túrkistan, Qyzylorda, Atyraý, Batys Qazaqstan, Aqtobe, Qostanaı, túnde Soltústik Qazaqstan oblystarynyń keı jerlerinde tuman túsedi.
Túnde Almaty oblysynyń soltústiginde qatty aıaz kútiledi.
