Qazaqstannyń basym bóliginde qar jaýady, burqasyndatyp, tuman túsedi, kóktaıǵaq bolady, jel kúsheıedi
ASTANA. QazAqparat - Qazaqstannyń basym bóligi atmosferalyq aǵyndardyń yqpalynda bolǵandyqtan, qar jaýyp, burqasyndatyp, tuman túsedi, kóktaıǵaq bolady, jel kúsheıedi, dep habarlady QR ІІM Tótenshe jaǵdaılar komıteti «Qazgıdrometke» silteme jasap.
Aqmola oblysynyń keı jerlerinde burqasyn, kóktaıǵaq bolyp, jeldiń kúsheıýi túnde 15-20, keı jerlerde uıtqýy 25, kúndiz keı jerlerde 15-20 m/s-qa jetedi. Qostanaı oblysynyń keı jerlerinde burqasyndy, tuman, kóktaıǵaq bolady, jeldiń kúshi túnde keı ýaqytta 15-20, uıtqýy 23 m/s-qa, kúndiz keı jerlerde 15-20 m/s-qa deıin kúsheıedi. Soltústik Qazaqstan, Qaraǵandy oblystarynyń keı jerlerinde burqasyn kóteriledi, tuman túsedi, kóktaıǵaq bolady, jeldiń ekpini 15-20 m/s-qa deıin kúsheıedi. Jambyl, Qyzylorda, Ońtústik Qazaqstan oblystarynyń keı jerlerinde tuman túsip, kóktaıǵaq bolady, jel 15-20 m/s-qa deıin kúsheıedi. Atyraý, Batys Qazaqstan oblystarynyń keı jerlerinde tuman túsip, kóktaıǵaq bolady, jeldiń kúshi 15-20 m/s. Pavlodar, Aqtóbe oblystarynyń keı jerlerinde burqasyndatyp, jel 15-20 m/s-qa deıin kúsheıedi. Almaty oblysynyń keı jerlerinde tuman túsedi, kúndiz Jalańashkól aımaǵynda jeldiń kúshi 15-20 m/s-qa jetedi. Mańǵystaý oblysynyń keı jerlerinde tuman túsedi. Kúndiz Shyǵys Qazaqstan oblysynda jel 15-20 m/s-qa deıin kúsheıedi.
