Qazaqstannyń basym bóliginde qar men jańbyr jaýady
NUR-SULTAN. QazAqparat – Qazgıdromet 25 qazanǵa arnalǵan aýa raıy boljamyn jarııalady, dep habarlaıdy QazAqparat.
Tsıklon áserinen Qazaqstan Respýblıkasynyń basym bóliginde qar men jańbyr túrinde jaýyn-shashyn bolady.
Respýblıkanyń keı jerlerinde tuman, kóktaıǵaq kútiledi, jel kúsheıedi. Soltústikte jaıaý burqasyn kútiledi. Tek elimizdiń ońtústik-batysynda antıtsıklonnyń áserinen, jaýyn-shashynsyz aýa raıy saqtalady.
Aqmola oblysynyń basym bóliginde tuman, kóktaıǵaq, keı jerlerinde jaıaý burqasyn kútiledi, kúndiz jel 15-20 m/s kúsheıedi. Qostanaı, Qaraǵandy,
Soltústik Qazaqstan, Pavlodar oblystarynyń keı jerlerinde kóktaıǵaq, jaıaý burqasyn kútiledi, jel 15-20 m/s kúsheıedi.
Qostanaı, Qaraǵandy oblystarynyń keı jerlerinde tuman kútiledi. Shyǵys-Qazaqstan, Aqtóbe, Atyraý oblystarynyń keı jerlerinde tuman kútiledi, jel 15-20 m/s kúsheıedi, Shyǵys Qazaqstan oblysynyń keı jerlerinde kóktaıǵaq kútiledi. Batys Qazaqstan, Qyzylorda oblystarynyń kúndiz keı jerlerinde jeldiń jyldamdyǵy 15-20 m/s jetedi.
Jambyl, Mańǵystaý, Batys Qazaqstan, túnde jáne tańerteń Almaty oblystarynyń keı jerlerinde tuman kútiledi.
