Qazaqstannyń basym bóliginde dúısenbi kúni qar jaýyp, burqasyndatady, tuman túsedi jáne kóktaıǵaq bolady
ASTANA. QazAqparat - Qazaqstannyń basym bóliginde dúısenbi kúni atmosferalyq aǵyndardyń ótýimen jaýyn-shashyndy, kóbine qar jaýyp, burqasyn kóteriledi, tuman túsedi, kóktaıǵaq bolady, jel kúsheıedi, respýblıkanyń batys jáne ońtústik bóliginde ǵana kún raıy ashyq bolady, dep habarlady «Qazgıdromet» RMK.
Soltústik Qazaqstan, Qaraǵandy, Shyǵys Qazaqstan oblystarynda burqasyn kóterilip, kóktaıǵaq bolady, tuman túsedi, jel 15-20 m/s-qa deıin kúsheıedi.
Pavlodar oblysynda keı jerlerde burqasyndatyp, kóktaıǵaq bolady, jel 15-20 m/s-qa deıin kúsheıedi.
Qostanaı oblysynda keı jerlerde burqasyndy, tumandy bolady. Aqmola oblysynda keı jerlerde burqasyndy, jeldiń kúshi 15-20 m/s-qa jetejdi.
Jambyl, Ońtústik Qazaqstan, Qyzylorda, Atyraý oblystarynda, túnde jáne tańerteń Almaty, Aqtóbe oblystarynda keı jerlerde tuman túsedi.
