Qazaqstannyń basym bóliginde burshaq pen daýyl kútiledi
ASTANA. QazAqparat - Atmosferalyq fronttardyń ótýine baılanysty Qazaqstannyń basym bóliginde qubylmaly kún raıy saqtalady. Tek batysta jáne ońtústik-batysta jaýyn-shashynsyz aýa raıy kútiledi. Keı jerlerde naızaǵaı oınap, jańbyr jaýady, jel kúsheıip, daýyl soǵady, sondaı-aq burshaq jaýýy múmkin.
Atap aıtqanda, Pavlodar oblysynda 15-20 m/s ekpinmen soqqan jeldiń jyldamdyǵy 23-28 m/s kúsheıedi. Keı jerlerde daýyl turyp, burshaq jaýýy múmkin.
Shyǵys Qazaqstan oblysynyń keı jerlerinde jeldiń ekpini 23-28 m/s jetedi, keı jerlerinde daýyl, burshaq kútiledi.
Soltústik Qazaqstan oblysynyń keı jerlerinde daýyl soǵyp, burshaq bolýy múmkin, jel 15-20 m/s kúsheıedi, túnde jáne tańerteń keı jerlerinde tuman kútiledi.
Qostanaı oblysynyń keı jerlerinde burshaq jaýýy múmkin, jeldiń jyldamdyǵy 15-20 m/s artady.
Almaty, Aqmola oblystarynyń keı jerlerinde jel 15-20 m/s kúsheıedi, kúndiz Aqmola oblysynyń keı jerlerinde burshaq jaýýy múmkin.
Kúndiz Jambyl oblysynyń keı jerlerinde daýyl bolyp, burshaq jaýýy múmkin, jeldiń kúshi 15-20 m/s artýy yqtımal.
Kúndiz Ońtústik Qazaqstan, Qyzylorda oblystarynyń keı jerlerinde jel shańdy daýylmen kóterilip, 15-20 m/s ekpinmen soǵady.
Túnde Qaraǵandy oblysynyń keı jerlerinde jel 15-20 m/s jetedi.
Sondaı-aq Mańǵystaý oblysynyń basym bóliginde, Qyzylorda, Atyraý, Aqtobe, Ońtústik Qazaqstan, Jambyl oblystarynyń keı jerlerinde óte joǵary órt qaýpi saqtalady.
