Qazaqstannyń basym bóliginde burshaq aralas jaýyn jaýady
ASTANA. QazAqparat - «Qazgıdromet» RMK 27-29 maýsym kúnderine aýa raıy boljamyn jarııalady, dep habarlady «QazAqparat» HAA.
«Reseıdiń Eýropa bóliginen biriniń artynan biri jóńkilgen atmosferalyq aǵyn Qazaqstandaǵy aýa raıynyń qubylmaly bolýyna alyp keledi. Sondyqtan respýblıka oblystarynyń basym bóliginde jer-jerlerde naızaǵaı oınap, jaýyn, burshaq jaýady, jeldiń ekpini 15-25 m/s-qa jetedi. Aýa temperatýrasy keı óńirlerde ortasha kópjyldyq deńgeıden joǵary bolady», - delingen habarlamada.
Astanada 27 maýsymda kóshpeli bult shyǵyp, ótkinshi jaýyn jaýyp, kún kúrkireıdi. Jel soltústik-shyǵysqa aýysa otyryp, soltústik batystan 9-14 m/s jyldamdyqpen soǵady. Túnde temperatýra +14+16°S, kúndiz +24+26°S. 28 maýsymda - aýyspaly bult shyǵady, jaýyn-shashynsyz. Jel batystan - 9-14 m/s. Túnde temperatýra +13+15°S, kúndiz +28+30°S. 29 maýsymda elordada: kóshpeli bult shyǵady, jaýyn-shashynsyz. Jel batystan, soltústik batystan - 9-14 m/s. Túnde temperatýra +16+18°S, kúndiz +30+32°S.
Almatyda 27 maýsymda aýyspaly bult shyǵady, kúnniń ekinshi jartysynda ótkinshi jaýyn jaýyp, kún kúrkireıdi. Jeldiń jyldamdyǵy - 2-7 m/s. Túnde temperatýra +18+20°S, kúndiz +30+32°S. 28 maýsym: aýyspaly bult shyǵady, ótkinshi jaýyn jaýyp, kún kúrkireıdi. Jeldiń jyldamdyǵy - 2-7, 10 m/s. Túnde temperatýra +16+18°S, kúndiz +27+29°S. 29 maýsymda aýyspaly bult shyǵady, ótkinshi jaýyn jaýyp, kún kúrkireıdi. Jeldiń jyldamdyǵy - 2-7, 10 m/s. Túnde temperatýra +15+17°S, kúndiz +27+29°S.
