Qazaqstannyń basym bóliginde aıaz bolady - sársenbige arnalǵan aýa raıy
ASTANA. QazAqparat -«Qazgıdromet» 6 aqpanǵa arnalǵan aýa raıy boljamyn usynady, dep habarlaıdy QazAqparat.
Qazaqstannyń basym bóliginde aýa aǵyndardyń ótýine baılanysty qubylmaly aýa raıy kútiledi, qar jaýady.
Tek respýblıkanyń ońtústik-batysynda, qıyr soltústik-shyǵysynda jáne soltústik-batysynda jaýyn-shashynsyz aýa raıy kútiledi.
Respýblıkanyń keı jerlerinde tuman, kóktaıǵaq, burqasyn, jeldiń kúsheıýi saqtalady. Shyǵys Qazaqstan, túnde Pavlodar oblystarynda jel 15-20, keı jerlerde 23-28 m/s kúsheıedi.
Jambyl, Túrkistan, Almaty oblystarynyń keı jerlerinde tuman, kóktaıǵaq, burqasyn, jel 15-20, ekpini 23-28 m/s jetedi.
Aqmola, Qaraǵandy oblystarynyń keı jerlerinde - tuman, túnde burqasyn, jel 15-20 m/s kúsheıýi kútiledi. Batys Qazaqstan, Atyraý oblystarynyń keı jerlerinde tuman, kóktaıǵaq kútiledi. Qyzylorda, Mańǵystaý, Qostanaı oblystarynyń keı jerlerinde tuman, Aqtóbe oblysynyń keı jerlerinde burqasyn kútiledi.
Aqmola oblysynda túnde qatty, keı jerlerde óte qatty aıaz kútiledi. Túrkistan, Qostanaı, Soltústik Qazaqstan, Qaraǵandy oblystarynyń keı jerlerinde túnde qatty aıaz kútiledi.
