Qazaqstannyń basym bóliginde aýa temperatýrasy tómendeıdi
NUR-SULTAN. QazAqpart – 15 jeltoqsan kúni elimizdiń basym bóliginde aýa temperatýrasy tómendep, jaýyn-shashynnyń túsýi toqtaıdy. Qubylmaly kún raıy shyǵysta jáne ońtústik-shyǵysta saqtalyp, qar jaýatyny boljanady. Ońtústik-shyǵysta túnde qar molynan túsedi. Respýblıkanyń keı jerlerinde tuman, kóktaıǵaq, burqasyn saqtalady, jel kúsheıedi, dep habarlaıdy QazAqparat.
«Qazgıdromet» RMK málimetinshe, Almaty, Qyzylorda oblystarynyń keı jerlerinde tuman, kóktaıǵaq kútiledi. Túnde Almaty oblysynda, kúndiz Qyzylorda oblysynda jel 15-20 m/s kúsheıedi.
Jambyl oblysynyń keı jerlerinde tuman, kóktaıǵaq, jaıaý burqasyn boljanady.
Túrkistan oblysynyń keı jerlerinde tuman, burqasyn bolyp, jeldiń kúshi 15-20 m/s artady.
Manǵystaý, Batys Qazaqstan oblystarynyń keı jerlerinde tuman kútiledi. Túnde Manǵystaý oblysynda, kúndiz Batys Qazaqstan oblysynda jeldiń ekpini 15-20 m/s kúsheıedi.
Shyǵys Qazaqstan oblysynyń keı jerlerin tuman basyp, jaıaý burqasyn júredi.
Pavlodar, Aqmola, Qaraǵandy, Soltústik Qazaqstan, Qostanaı, oblystarynyń keı jerlerinde tuman kútiledi.
Atyraý oblysynyń keı jerlerinde jel 15-20 m/s kúsheıedi.
