Qazaqstannyń basym bóliginde aýa raıynyń turaqsyz sıpaty saqtalady - 22 jeltoqsandaǵy aýa raıy boljamy
ASTANA. QazAqparat - Qazaqstan aýmaǵynyń basym bóliginde atmosferalyq aǵyndardyń ótýimen aýa raıynyń turaqsyz sıpaty saqtalady, keı jerlerde jaýyn-shashyn bolyp, tuman túsedi, kóktaıǵaq bolady, soltústik-batysta shamaly burqasyn júredi, respýblıkanyń shyǵysynda, ortalyǵynda jáne ońtústiginde ǵana kún ashyq bolady, dep habarlady QR ІІM Tótenshe jaǵdaılar komıteti «Qazgıdrometke» silteme jasap.
Aqmola, Soltústik Qazaqstan, Pavlodar, Qaraǵandy, Jambyl, Ońtústik Qazaqstan oblystarynda keı jerlerde tuman túsedi. Atyraý oblysynda tumandy, keı jerlerde kóktaıǵaq bolady. Batys Qazaqstan oblysynda keı jerlerde tuman túsedi, kóktaıǵaq bolyp, jeldiń ekpini 15-20 m/s-qa deıin kúsheıedi. Aqtóbe oblysynda keı jerlerde tuman túsedi, kóktaıǵaq bolady, kúndiz jel 15-20 m/s-qa deıin kúsheıedi. Mańǵystaý oblysynda kúndiz keı jerlerde kóktaıǵaq bolady, jel 15-20 m/s-qa deıin kúsheıedi. Qostanaı oblysynda keı jerlerde tuman túsedi, kóktaıǵaq bolady, tańerteń jáne kúndiz jel 15-20 m/s-qa deıin kúsheıip, burqasyndatady. Shyǵys Qazaqstan oblysynda túnde jáne tańerteń keı jerlerde tuman túsedi, kúndiz Jarma aýdanynda jeldiń uıytqýy 15-20 m/s-qa jetedi. Almaty oblysyndaǵy Jalańashkól aýdanynda jel 20-25 m/s-qa deıin kúsheıip, túnde jáne tańerteń keı jerlerde kóktaıǵaq bolýy kútilýde.
