Qazaqstannyń basym bóliginde aýa raıynyń turaqsyz sıpaty saqtalady - 16 naýryzdaǵy aýa raıy boljamy
ASTANA. QazAqparat - Qazaqstannyń basym bóliginde atmosferalyq aǵyndardyń ótýimen aýa raıynyń turaqsyz sıpaty saqtalady, keı jerlerde jaýyn-shashyn bolyp, jel kúsheıedi, keı aýdandarda burqasyn bolyp, tuman túsedi, kóktaıǵaq boldy. Respýblıkanyń shyǵysynda ǵana aýa raıy ashyq bolady.
Bul týraly QR TJM baspasóz qyzmeti Qazgıdrometke silteme jasap habarlady.
Soltústik Qazaqstan oblysynda túnde basym bóliginde, kúndiz keı jerlerde jel 15-20 m/s-qa deıin kúsheıip, keı aýdandarda burqasyn, kóktaıǵaq bolady. Qostanaı oblysynda keı jerlerde burqasyn, tuman, kóktaıǵaq kútiledi, jeldiń ekpini 15-20 m/s-qa deıin kúsheıedi. Aqmola oblysynyń keı aýdandarynda burqasyn, kóktaıǵaq bolady, jeldiń kúshi 15-20 m/s-qa jetedi. Aqmola oblysynyń keı aýdandarynda burqasyn, kóktaıǵaq, jeldiń 15-20 m/s-qa deıin kúsheıýi kútiledi. Batys Qazaqstan oblysynda keı jerlerde tuman túsip, kóktaıǵaq bolady, jel 15-20 m/s-qa deıin kúsheıedi. Jambyl, túnde jáne tańerteń Almaty oblystarynda tuman túsedi, kóktaıǵaq bolady. Aqtóbe oblysynyń keı aýdandarynda tuman túsip, jeldiń 15-20 m/s-qa deıin kúsheıýi kútiledi. Pavlodar oblysynda keı jerlerde kóktaıǵaq bolady, túnde keı aýdandarda jeldiń ekpini 17-22 m/s-qa jetedi. Mańǵystaý, Atyraý oblystarynda keı jerlerde tuman túsedi, kúndiz keı aýdandarda jel 15-20 m/s-qa deıin kúsheıedi. Túnde Qaraǵandy oblysynda keı jerlerde burqasyndy jeldiń kúshi 15-20 m/s-qa jetedi. Shyǵys Qazaqstan oblysynda keı jerlerde jel 15-20 m/s-qa deıin kúsheımek.
Taıaýdaǵy úsh táýliktiń ishinde Syrdarııa ózeninde, Almaty jáne Jambyl oblystarynyń ózenderinde jáne Jaıyqtyń eńisterinde muz qabatynyń odan ári álsireýi kútiledi. Batys Qazaqstan jáne Atyraý oblystarynda aýa temperatýrasynyń kóterilýimen baılanysty muz qursaýynyń birte-birte álsireýi bastalady. Ońtústik Qazaqstan jáne Jambyl oblystarynda sýdyń ulǵaıýy kútiledi. 15-16 naýryzda aýa temperatýrasynyń kóterilýimen jáne jaýyn-shashyn bolýy boljamyna baılanysty Almaty oblysynyń alasa taýly ózenderinde jáne Shyǵys Qazaqstan oblysynyń shaǵyn ózenderinde qar sýy men jańbyrdyń áserinen tasqyn paıda bolýy múmkin.
