Qazaqstannyń basym bóliginde aýa raıy jyly jáne qurǵaq bolady - 11 qazandaǵy aýa raıy boljamy
ASTANA. QazAqparat - Qazaqstannyń basym bóligi joǵary qysymnyń yqpalynda bolyp, aýa raıy jyly jáne qurǵaq bolýy kútiledi. Respýblıkanyń soltústiginde ǵana jańbyr jaýyp, jel kúsheıedi, dep habarlady QR ІІM Tótenshe jaǵdaılar komıteti Qazgıdrometke silteme jasap.
Palodar oblysynda, Aqmola, Ońtústik Qazaqstan oblystarynyń keı jerlerinde, kúndiz Batys Qazaqstan oblysynda 15-22 m/s-qa deıin jel kúsheıedi.
Qostanaı oblysynda keı jerlerde tuman túsip, túnde keı jerlerde, kúndiz óńirdiń basym bóliginde jeldiń ekpini 17-22 m/s-qa deıin kúsheıedi.
Soltústik Qazaqstan oblysynda jeldiń kúshi 15-20 m/s-qa jetedi, tuman túsedi.
Jambyl oblysynda, kúndiz Qaraǵandy oblysynda jel 15-20 m/s-qa deıin kúsheıip, túnde tuman túsedi. Atyraý, Shyǵys Qazaqstan oblystarynda keı jerlerde kún tumandy bolady.
Taıaýdaǵy úsh táýlikte respýblıkanyń ońtústigindegi jáne ońtústik-shyǵysyndaǵy kóptegen ózenderde sý betiniń qubylýy baıqalady. Shyǵys Qazaqstan oblysynyń keıbir ózenderinde jaýyn-shashyn saldarynan sý deńgeıi kóterilýi múmkin.
