Qazaqstannyń basym bóliginde aspan ashyq bolady
ASTANA. QazAqparat - Búgin Qazaqstannyń basym bóliginde aýa raıy jaýyn-shashynsyz bolady. Respýblıkanyń soltústik, soltústik-batys jáne ortalyq bólikterinde atmosferalyq fronttardyń ótýine baılanysty jańbyr jaýady. Keı jerlerde jel kúsheıip, tuman, kóktaıǵaq kútiledi.
Bul týraly QR ІІM TJK baspasóz qyzmeti habarlaıdy.
Almaty oblysynyń keı jerlerinde jeldiń jyldamdyǵy 17-22, Jalańashkól aýdanynda ekpini 27 m/s-ǵa deıin kúsheıedi, túngi ýaqytta tuman túsedi.
Qostanaı, Soltústik Qazaqstan oblystarynyń keı jerlerinde tuman túsip, kóktaıǵaq bolady, jeldiń jyldamdyǵy 15-20 m/s-ǵa deıin kúsheıedi.
Ońtústik Qazaqstan, Atyraý, Pavlodar, Shyǵys Qazaqstan, kúndiz Aqtóbe, Qaraǵandy oblystarynyń keı jerlerinde jeldiń kúshi 15-20, Shyǵys Qazaqstan oblysynda ekpini 25 m/s-ǵa deıin kútiledi.
Aqmola oblysynyń keı jerlerinde tuman kútilip, jeldiń kúshi 15-20 m/s bolady.
Qyzylorda oblysynyń keı jerlerinde kúndiz kóktaıǵaq, jeldiń jyldamdyǵy 15-20 m/s bolady.
Mańǵystaý, Batys Qazaqstan oblystarynyń keı jerlerinde tuman kútiledi. Túnde Almaty oblysynyń keı jerlerinde 2 gradýsqa deıin úsik saqtalady.
