Qazaqstannyń basym bóliginde aldaǵy úsh kúnde qar jaýyp, boran soǵady
NUR-SULTAN. QazAqparat – Qazaqstannyń basym bóliginde aldaǵy úsh kúnde qar jaýyp, boran turady, dep habarlaıdy QazAqparat RMK «Qazgıdromet»-ke silteme jasap.
«Respýblıkanyń shyǵysynda Batys Sibirden sýyq atmosferalyq aýa aǵyny keledi, ony Kar teńizi aýmaǵynyń kezekti antıtsıklony almastyrady. Sonyń saldarynan qar jaýyp, boran turyp, kún sýıdy. Qazaqstannyń batys aımaǵyna Qara teńiz jáne Jerorta teńizinen jyly ári ylǵaldy aýa keledi. Sol sebepti bul aımaqta aýa temperatýrasy joǵarylaıdy. Biraq jaýyn-shashyn, tuman, kóktaıǵaq, keı jerlerde qatty jel men boran turýy múmkin», - delingen habarlamada.
