Qazaqstannyń basym bóliginde aldaǵy kúnderi de jańbyrly bolady
ASTANA. QazAqparat - Qazaqstanda aldaǵy kúnderi de jańbyr jaýady, ońtústikte burshaq jaýady dep kútilýde. Tek eldiń batysynda ǵana kún ashyq jáne ystyq bolady, dep habarlady «Qazgıdromet» RMK.
«Respýblıka aýmaǵynda jaýynnyń jaýýyna áserin tıgizgen tsıklon Shyǵys Sibirge kóshti. Alaıda onyń áseri saqtaldy. Sondyqtan demalys kúnderi kóptegen oblystarda keı jerlerinde jańbyr jaýyp, naızaǵaı oınap, jeldiń jyldamdyǵy 18-25 m/s deıin kúsheıýi yqtımal», - delingen habarlamada.
Respýblıkanyń ońtústigi men ońtústik-shyǵysynda burshaq jaýady, taýly aýdandarda tolassyz jańbyr jaýady dep kútilýde. Qazaqstannyń barlyq aýmaǵynda aýa temperatýrasy kópjyldyq ortasha temperatýradan 2-5 gradýsqa tómen bolady dep shamalanýda. Tek batys oblystarda ǵana kún ashyq, ystyq bolady.
