Qazaqstannyń basym bóliginde 9 qarasha kúni turaqsyz aýa raıy saqtalady - aýa raıy
ASTANA. 8 qarasha. QazAqparat - QR-nyń basym bóliginde atmosferalyq aǵymdardyń ótýine baılanysty 9 qarasha kúni turaqsyz aýa raıy saqtalady, keıbir jerlerde jaýyn-shashyn jaýyp, jel kúsheıedi, dep habarlaıjy TJM-niń baspasóz qyzmetinen Qazgıdrometke silteme jasaı otyryp.
Aqmola, Qostanaı, Soltústik Qazaqstan oblystarynyń birqatar aımaqtarynda tuman túsip, kóktaıǵaq bolýy yqtımal, jeldiń jyldamdyǵy 15-20 m/s deıin kúsheıedi.
Jambyl, Aqtóbe, Batys Qazaqstan, Qaraǵandy oblystarynyń keıbir jerlerinde 15-20 m/s jyldamdyqpen jel soǵyp, tuman túsedi dep kútilýde.
Atyraý oblysynyń keıbir jerlerine tuman túsedi.
Qostanaı, Pavlodar, Shyǵys Qazaqstan oblystarynyń keıbir jerlerinde jeldiń kúshi 15-20 m/s deıin jetedi, Shyǵys Qazaqstan oblysynda burqasyn soǵady.
Almaty oblysynda túnde jáne tańerteń keı aýmaqtarda tuman túsip, kúndiz Jalańashkól aýdanynda jeldiń kúshi 15-20 m/s deıin jetedi, jel ekpininiń 25 m/s deıin kúsheıýi múmkin.
Aldaǵy táýlikte Qazaqstannyń soltústik, soltústik-shyǵys jáne shyǵys oblystarynyń kóptegen sýlaryn muz basady, soǵan baılanysty jekelegen ózenderde sý deńgeıi kóterilýi múmkin. Respýblıkanyń qalǵan aýmaǵyndaǵy ózenderde sý betiniń salqyndaýy baıqalady.
