Qazaqstannyń basym bóliginde 6 aqpan kúni qar jaýady
ASTANA. QazAqparat - Qazaqstannyń soltústik-batys bóliginde jáne shyǵysynda atmosferalyq aǵymdardyń ótýine baılanysty kóp jerlerde qar jaýady. Sondaı-aq kóptegen aımaqtarda tuman túsip, kóktaıǵaq bolyp, burqasyndatady, dep habarlaıdy «Qazgıdromet».
Ońtústik Qazaqstan, Qyzylorda, Mańǵystaý, Qaraǵandy, túnde Almaty oblystarynda tuman túsedi dep kútilýde. Batys Qazaqstan, Aqtóbe, Qostanaı, kúndiz Aqmola oblystarynyń keı jerlerinde 15-20 metr/sekýnd jyldamdyqpen jel soǵady.
Atyraý oblysynyń keı jerlerinde burqasyn, kóktaıǵaq bolyp, tuman túsedi jáne 15-20 metr/sekýnd jyldamdyqpen jel soǵady. Soltústik Qazaqstan oblysynda keı jerlerde 15-20 metr/sekýnd jel bolady. Shyǵys Qazaqstan oblysynyń keı jerlerinde jeldiń jyldamdyǵy 15-20 mert/sekýndke jetedi.
