Qazaqstannyń basym bóliginde 3 mamyr kúni jaýyn jaýady -Qazgıdromet
ASTANA. QazAqparat - Qazaqstanda aldaǵy táýlikterde atmosferalyq aǵyndardyń ótýine baılanysty eldiń basym bóliginde jaýyn shashyn bolady, dep habarlaıdy QazAqparat «Qazgıdromet» RMK-nyń málimetterine súıene otyryp.
«Qazgıdromet» málimetteri boıynsha, jańbyr tek eldiń batysy men ońtústiginde ǵana jaýyn-shashyn bolmaıtynyn habarlaıdy. Respýblıkanyń keı jerlerinde kún kúrkirep, jel kúsheıip, ońtústikte shańdy daýyl kóteriledi.
Shyǵys Qazaqstan oblysynyń birqatar aımaqtarynda jeldiń jyldamdyǵy sekýndyna 15-20 metrge deıin kúsheıip, túnde ekpini sekýndyna 25 metrge deıin jetedi. Túnde jáne kúndiz jekelegen aýdandarda tuman túsedi.
Aqmola oblysynyń keı jerlerinde sekýndyna 15-20 metr jyldamdyqpen jel uıtqıdy, túnde jáne tań ata tuman túsedi.
Qostanaı, túnde Pavlodar, kúndiz Jambyl, Ońtústik Qazaqstan, Mańǵystaý oblystarynda jeldiń jyldamdyǵy sekýndyna 15-20 metrge jetedi.
Qyzylorda oblysynda kúndiz birqatar aımaqtarda jel kúsheıip, jyldamdyǵy sekýndyna 15-20 metr bolady, shańdy daýyl da kóterilýi yqtımal. Soltústik Qazaqstan, Qaraǵandy oblystarynda tuman túsedi dep kútilýde.
