Qazaqstannyń basym bóliginde 29 maýsym kúni aýa raıy qatty ysıdy
ASTANA. QazAqparat - Qazaqstannyń kóptegen bóliginde atmosferalyq aǵyndardyń ótýine baılanysty turaqsyz aýa raıy kútiledi, keı jerlerde naızaǵaı oınap, jańbyr jaýyp, jel kúsheıedi, respýblıkanyń shyǵysynda burshaq jaýýy yqtımal, dep habarlady Tótenshe jaǵdaılar komıteti Qazgıdrometke silteme jasap.
Respýblıkanyń soltústiginde, ońtústik-batysynda, ońtústik-shyǵysy men ortalyǵynda aýa raıy ashyq bolady.
Shyǵys Qazaqstan oblysynyń keı jerlerinde naızaǵaı oınap, burshaq jaýýy múmkin, kúndiz jel 15-20 m/s-qa deıin kúsheıedi.
Jambyl, Atyraý, kúndiz Qostanaı oblystarynyń keı jerlerinde jel 15-20 m/s-qa deıin kúsheıip, naızaǵaı oınaıdy.
Batys Qazaqstan oblysynyń keı jerlerinde naızaǵaı oınap, kúndiz jeldiń ekpini 15-20 m/s-qa deıin kúsheıedi.
Aqtóbe, kúndiz Ońtústik Qazaqstan oblystarynyń keı jerlerinde naızaǵaı oınaıdy, Mańǵystaý oblysynyń keı jerinde túnde jáne tańerteń tuman bolady.
Qyzylorda oblysynyń keı jerlerinde kúndiz jeldiń kúshi 15-20 m/s-qa jetip, shańdy daýyl kóteriledi.
Pavlodar, Qaraǵandy oblystarynda kúndiz jeldiń kúshi 15-20 m/s-qa jetedi.
Atyraý, Batys Qazaqstan oblystarynyń keı jerlerinde aptap ystyq saqtalady.
Almaty, Ońtústik Qazaqstan, Qyzylorda, Aqtóbe, Qostanaı, Shyǵys Qazaqstan oblystarynda, Jambyl, Aqmola, Qaraǵandy , Mańǵystaý oblystarynyń keı jerlerinde qatty ystyq bolady.
Atyraý, Aqtóbe, Qyzylorda oblystarynda, Ońtústik Qazaqstan, Batys Qazaqstan, Qaraǵandy, Almaty, Jambyl, Shyǵys Qazaqstan oblystarynyń keı jerlerinde óte joǵary órt qaýpi saqtalady.
