Qazaqstannyń basym bóliginde 22 mamyr kúni jaýyn jaýady
ASTANA. QazAqparat - «Qazgıdromet» RMK-sy 22 mamyrǵa arnalǵan aýa raıy boljamyn jarııa etti, dep habarlaıdy QazAqparat.
Qazaqstannyń basym bóliginde atmosferalyq frontaldy bólikterdiń ótýine baılanysty keı jerlerde jaýyn jaýyp, kún kúrkirep, jel kúsheıip, tipti shańdy daýyl da kóteriledi.
Aqmola, Qostanaı, Pavlodar, Shyǵys Qazaqstan, Soltústik Qazaqstan, kúndiz Qaraǵandy, Batys Qazaqstan, Aqtóbe, Atyraý, Jambyl oblystarynyń birqatar aımaqtarynda jeldiń jyldamdyǵy sekýndyna 15-20 metrge deıin jetedi. Soltústik Qazaqstan oblysynda túnde jáne tań ata tuman túsedi.
Ońtústik Qazaqstan oblysynyń birqatar aımaqtarynda jeldiń jyldamdyǵy sekýndyna 15-20 metrge jetedi. Qyzylorda oblysynda shańdy daýyl kóterilip, kúndiz sekýndyna 15-20 metr jyldamdyqpen jel soǵady. Atyraý oblysynda kúndiz kún qatty ysıdy dep kútilýde.
