Qazaqstannyń basym bóligi sýyq atmosferalyq aǵymnyń áserinde bolady - Qazgıdromet
ASTANA. Qyrkúıektiń 8-i. QazAqparat - Qazaqstannyń basym bóliginiń aýa raıyna sýyq atmosferalyq aǵym áser etetin bolady, bul týraly «Qazgıdromet» ortalyǵynyń qyrkúıektiń 9-yna jasaǵan boljamynda aıtylyp otyr.
Almaty, Jambyl, Atyraý, Pavlodar oblystarynda, túnde Qyzylorda oblysynda, kúndiz Mańǵystaý oblysynda jyldamdyǵy 15-22 metr/sekýndqa jetetin qatty jel turady dep kútilýde.
Shyǵys Qazaqstan oblysynyń keı jerlerinde daýyl bolady, jeldiń kúshi 17-22 metr/sekýndty shamalaıdy.
Ońtústik Qazaqstan oblysynyń keı óńirlerinde daýyl bolady, jeldiń ekpini kúndiz 17-22 metr/sekýndqa, túnde 26 metr/sekýndqa deıin jetedi.
Qaraǵandy oblysynyń keı aýdandarynda daýyl bolady, 17-22 metr/sekýnd jyldamdyqpen jel soǵady, túnde topyraqta 4 gradýsqa deıin qatqaq bolady.
Al Aqmola jáne Soltústik Qazaqstan oblystarynda - keı jerlerde 17-22 metr/sekýnd jyldamdyqpen jel soǵady, kún 0-2 gradýsqa deıin kún sýytady.
Qazaqstannyń batysynda, ońtústiginde, ortalyǵy men shyǵysynda keı jerlerde tótenshe joǵary órt qaýpi saqtalady. Aldaǵy táýlikterde sondaı-aq, ońtústiktegi, ońtústik-shyǵys pen shyǵystaǵy taý ózenderinde sýdyń deńgeıi ózgeredi dep kútilýde.
