Qazaqstannyń basym bóligi atmoferalyq aǵymdardyń yqpalynda bolady - 30 maýsymǵa arnalǵan aýa raıy boljamy
ASTANA. 29 maýsym. QazAqparat - Qazaqstan Respýblıkasynyń Qorshaǵan ortany qorǵaý mınıstrliginiń «Qazgıdromet» RMK boljaýynsha, 30 maýsymda Qazaqstannyń basym bóligi atmosferalyq aǵymdardyń yqpalynda bolady,
soǵan baılanysty jekelegen jerlerde jańbyr jaýyp, naızaǵaı oınap, keı jerlerde burshaq jaýýy yqtımal.
Aqmola oblysynyń keı jerlerinde 15-20 m/s jyldamdyqpen jel soǵady, burshaq jaýýy múmkin, túnde jáne tańerteń keı jerlerde tuman bolady.
Almaty, Jambyl, Ońtústik Qazaqstan, Myńǵystaý, Batys Qazaqstan, Pavlodar jáne kúndiz Atyraý oblystarynda keı jerlerde 15-20 m/s jyldamdyqpen jel soǵyp, BQO-da qumdy daýyl turady.
Soltústik Qazaqstan, Qostanaı oblystarynyń jekelegen jerlerinde jeldiń ekpini 15-20 m/s-qa deıin jetedi, túnde jáne tańerteń keı jerlerde tuman bolady dep kútilýde.
Qaraǵandy, Shyǵys Qazaqstan oblystarynyń jekelegen jerlerinde burshaq jaýýy yqtımal, ShQO-da 17-22 m/s jyldamdyqpen jel soǵady.
Atyraý, Aqtóbe, Qyzylorda, Ońtústik Qazaqstan oblystarynda keı jerlerde tótenshe joǵary órt qaýpi saqtalady.
Atyraý, Mańǵystaý, Aqtóbe, Jambyl oblystarynda kún qatty ysıdy.
Aldaǵy 3 táýlikte Almaty oblysynyń jekelegen taýly ózenderinde yqtımal nóserli jańbyrǵa baılanysty sý tasqyny bolady dep kútilýde, Batys Altaıdyń ózenderinde sý deńgeıiniń artýy baıqalady. Respýblıkanyń ońtústik taýly ózenderinde sý deńgeıiniń aýytqýshylyǵy baıqalady.
