Qazaqstannyń basym bóligi antıtsıklonnyń yqpalynda bolady
ASTANA. Qazannyń 20-sy. QazAqparat - Qazaqstannyń basym bóligi antıtsıklonnyń yqpalynda bolady, tek respýblıkanyń ońtústik bóligine ǵana aýa aǵyndary áser etedi. Bul aqparatty elimizdiń Tótenshe jaǵdaılar mınıstrliginiń baspasóz qyzmeti Qazgıdromet málimetterine silteme jasap habarlaıdy.
Kúndiz Aqmola, Ońtústik Qazaqstan, Qyzylorda, Mańǵystaý, Atyraý oblystarynyń keı jerlerinde jel jyldamdyǵy sekýndyna 15-20 metrge jetedi dep kútilýde. Al Soltústik Qazaqstan men Qaraǵandy oblystarynyń jekelegen aýdandarynda túnde tuman túsetindigi boljanýda.
Qazaqstannyń ońtústiginde joǵary órt qaýpi saqtalady.
Taıaýdaǵy táýlikte Qazaqstannyń taý ózenderinde sý deńgeıiniń aýytqýy baıqalady. Sondaı-aq respýblıkanyń soltústik bóligindegi sý qoımalarynyń basym bóliginde sý temperatýrasy tómendeýi múmkin.
