Qazaqstannyń basym bóligi antıtsıklon yqpalynda bolady - 19 maýsymǵa arnalǵan aýa raıy boljamy
ASTANA. 18 maýsym. QazAqparat - Qazaqstannyń basym bóliginde 19 maýsym kúni antıtsıklon yqpalymen jaýyn-shashynsyz aýa raıy kútilýde, tek respýblıkanyń batysynda jáne ońtústik-batysynda atmosferalyq aǵyndar yqpalymen keı jerlerde naızaǵaı jarqyldap, jańbyr jaýady, shań kóterilip, uıtqyǵan jel turady.
Bul týraly Qazgıdrometke silteme jasap, QR TJM baspasóz qyzmeti habarlaıdy.
Jambyl, Ońtústik Qazaqstan, Qyzylorda, Pavlodar, Mańǵystaý, Atyraý oblystarynda, kúndiz Qostanaı, Batys Qazaqstan oblystarynda keı jerlerde jel 15-20 m/s-qa kúsheıedi. Mańǵystaý, Batys Qazaqstan oblystarynda, kúndiz Atyraý oblysynda shań kóterilip, daýyl turady.
Atyraý, Batys Qazaqstan oblystarynda, Qostanaı, Aqtóbe, Qaraǵandy oblysynyń keı jerlerinde qatty ystyq bolady dep kútilýde.
Respýblıkanyń soltústik-batysynda, soltústik-shyǵysynda, ońtústiginde jáne ortalyǵynda keı jerlerde tótenshe joǵary órt qaýpi saqtalady.
Jaqyn táýlikterde respýblıkanyń ońtústik-shyǵysy jáne shyǵysynyń kóptegen taý ózenderinde sý deńgeıiniń turaqsyzdanýy baıqalady. Qazaqstannyń qalǵan sýly nysandarynda gıdrologııalyq tártipte aıtarlyqtaı ózgerister kútilmeıdi.
