Qazaqstannyń basym aımaqtarynda 13 tamyzda ystyq saqtalady
ASTANA. 12 tamyz. QazAqparat - Qazaqstannyń basym aımaqtarynda 13 tamyzda kúnniń ystyǵy saqtalady,
dep habarlaıdy «Kazgıdromet» RMK baspasóz qyzmeti.
Sonymen, sınoptıkterdiń deregi boıynsha, Batys Qazaqstan, Atyraý, Mańǵystaý, Aqtóbe, Qostanaı, Aqmola, Shyǵys Qazaqstan oblystarynda ystyq saqtalady.
Batys Qazaqstan, Jambyl, kúndiz Aqtóbe oblystarynyń keı jerlerinde jyldamdyǵy 15-20 m/s jel soǵady dep boljanýda.
Qyzylorda, Atyraý oblystarynda keı jerlerde shań borap, 15-20 m/s jel turady dep kútilýde.
Ońtústik Qazaqstan oblysynda jeldiń ekpini 23 m/s deıin jetedi dep boljanýda.
Soltústik Qazaqstan, Pavlodar oblystarynda túnde keı jerlerde tuman túsedi.
Respýblıkanyń ońtústik jáne ońtústik-shyǵysynda, Qaraǵandy oblysynyń ońtústiginde, Aqtóbe oblysynyń keı jerlerinde tótenshe joǵary órt qaýipi saqtalady.
