Qazaqstannyń basym aýmaǵynyń aýa raıyna áli de bolsa antıtsıklon yqpal etedi
TANA. 11 tamyz. QazAqparat - Aldaǵy táýlikte Qazaqstannyń basym aýmaǵynyń aýa raıyna áli de bolsa antıtsıklon yqpal etedi. Tek respýblıkanyń ońtústik-shyǵys bóliginde aýa aǵyndarynyń júrýine baılanysty jańbyr jaýyp, naızaǵaı oınaıdy, ekpindete jel soǵady,
dep habarlady QR TJM baspasóz qyzmeti Qazgıdromet málimetterine silteme jasap.
Almaty, Jambyl oblystarynyń keı jerlerinde jeldiń ekpini sekýndyna 15-20 metrge jetedi. Ońtústik Qazaqstanda, Qyzylorda oblysynyń keı jerlerinde jeldiń qýaty sekýndyna 15-20 metrge jetip, shań boraıdy.
Mańǵystaý, Atyraý, Aqtóbe jáne Batys Qazaqstan oblysynyń keı jerlerinde aptap ystyq saqtalady. Respýblıkanyń ońtústigi men ońtústik-shyǵysynda, Qaraǵandy oblysynyń ońtústiginde, Aqtóbe oblysynyń keı jerlerinde óte joǵary órt qaýpi saqtalady.
Taıaýdaǵy táýlikte respýblıkanyń ońtústik, ońtústik-shyǵys jáne shyǵystaǵy taý ózenderinde sý deńgeıiniń aýytqýy baıqalady.
