Qazaqstannyń basym aýmaǵyndaǵy turaqsyz kún raıy juma kúni de saqtalady - Qazgıdromet
ASTANA. 2 jeltoqsan. QazAqparat - «Qazgıdromettiń» boljaýynsha, frontaldyq bólikterdiń yǵysýyna baılanysty juma, 2 jeltoqsan kúni Qazaqstannyń basym aýmaǵyndaǵy turaqsyz aýa raıy saqtalady.
Atap aıtqanda, Aqmola, Aqtóbe, Qaraǵandy oblystarynyń keı jerlerinde tumandy bolady.
Mańǵystaý, Atyraý, Qyzylorda, Ońtústik Qazaqstan, Jambyl oblystarynyń jekelegen aýmaqtaryna tuman túsip, kóktaıǵaq bolady.
Kúndiz Jambyl men Ońtústik Qazaqstan oblystarynda 15-20 m/s jyldamdyqpen jel soǵady.
Pavlodar, túnde Soltústik Qazaqstan oblystarynyń keı óńirlerinde burqasyndatyp, sekýndyna 15-20 metr kúshpen jel soǵady.
Túnde Shyǵys Qazaqstan oblysynyń Jarma aýdanynda jeldiń kúshi 15-20 metrge deıin jetedi.
Almaty oblysynyń keı aýmaqtarynda tuman, kúndiz 15-20 m/s ekpindegi jel kútilýde.
Al Astanada búgin, kún bultty, ara-tura qar jaýady, ońtústik-batystan 9-14 m/s jyldamdyqpen jel soǵady. Aýays4 temperatýrasy kúndiz -5-7, túnde -10-12 gradýsty quraıdy.
