Qazaqstannyń basym aýmaǵynda jel kúsheıip, tuman bolady dep kútilýde - 25 aqpanǵa arnalǵan aýa raıy
ASTANA. 24 aqpan. QazAqparat - Qazaqstannyń basym aýmaǵy antıtsıklonnyń yqpalynda bolady. Respýblıkanyń batysynda atmosferalyq aǵymdardyń ótýine baılanysty qar jaýyp, jel kúsheıip tuman bolady dep kútilýde.
Bul týraly Qazgıdrometke silteme jasaı otyryp, QR TJM-niń baspasóz qyzmeti habarlady.
Atyraý, Batys Qazaqstan oblystarynyń keı jerlerinde 15-20 m/s jyldamdyqpen jel soǵyp, tuman, qarly burqasyn bolýy yqtımal. Aqtóbe oblysynyń jekelegen jerlerinde 15-20 m/s jyldamdyqpen jel soǵady. Almaty oblysynyń Jalańashkól aýdanynda 17-22 m/s jyldamdyqpen jel soǵýy múmkin. Aqmola, Jambyl, Ońtústik Qazaqstan, Qyzylorda, Mańǵystaý, Pavlodar, túnde Qostanaı jáne Soltústik Qazaqstan oblystarynyń keı jerlerinde tuman bolady dep kútilýde. Túnde jáne kúndiz Aqtóbe, Qyzylorda jáne Soltústik Qazaqstan oblystarynyń jekelegen jerlerinde tuman bolady.
Aldaǵy ýaqytta Ońtústik Qazaqstan oblystarynyń ózenderinde sý deńgeıi artady.
25-27 aqpanda Shardara sý qoımasyna sekýndyna 1440-1450 tekshe metr sý keledi dep kútilýde. Jambyl, Almaty jáne Shyǵys Qazaqstan oblystaryndaǵy ózenderdiń deninde muz qatýǵa baılanysty sý deńgeıleriniń aýytqýy baıqalady.
