Qazaqstannyń basym aýmaǵynda jaýyn-shashyn, tuman, kóktaıǵaq bolyp, jel kúsheıedi dep kútilýde - 6 naýryzǵa arnalǵan aýa raıy
ASTANA. 5 naýryz. QazAqparat - Qazaqstannyń basym aýmaǵy antıtsıklonnyń yqpalynda bolady, atmosferalyq aǵymdardyń ótýine baılanysty jaýyn-shashyn, tuman, kóktaıǵaq bolyp, jel kúsheıedi dep kútilýde.
Bul týraly Qazgıdrometke silteme jasaı otyryp, QR TJM-niń baspasóz qyzmeti habarlady.
Qyzylorda, Mańǵystaý, Atyraý jáne Jambyl oblystarynyń keı jerlerinde tuman, kóktaıǵaq bolyp, 15-20 m/s jyldamdyqpen jel soǵady dep kútilýde, Jambyl oblysynda jeldiń ekpini sekýndyna 25 metrge deıin kúsheıýi múmkin.
Qostanaı jáne Shyǵys Qazaqstan oblystarynyń keı jerlerinde tuman, qarly burqasyn bolyp, 15-20 m/s jyldamdyqpen jel soǵady.
Almaty, Ońtústik Qazaqstan oblystarynyń jekelegen jerlerinde 15-20 m/s jyldamdyqpen jel soǵyp, Alakól ózeniniń aýdanynda jeldiń ekpini sekýndyna 30 metrge deıin kúsheıedi.
Aqmola, Qaraǵandy, Soltústik Qazaqstan oblystarynyń keı jerlerinde 15-20 m/s jyldamdyqpen jel soǵady.
Batys Qazaqstan jáne Aqtóbe oblystarynda tuman bolady dep kútilýde.
Aldaǵy ýaqytta Syrdarııa ózeninde, Jambyl jáne Almaty oblys aýmaqtarynyń jekelegen ózenderinde muz erıdi. 6-7 naýryzda Shardara sý qoımasyna sekýndyna 1400-1420 tekshe metr sý keledi dep kútilýde. Jambyl, Almaty jáne Shyǵys Qazaqstan oblystaryndaǵy ózenderinde sý deńgeıleriniń aýytqýy baıqalady.
