Qazaqstannyń basym aýmaǵynda jaýyn-shashyn bolyp, naızaǵaı oınap, ekpindi jel bolady dep kútilýde - 3 mamyrǵa arnalǵan aýa raıy boljamy
ASTANA. 2 mamyr. QazAqparat - Qazaqstan Respýblıkasy qorshaǵan ortany qorǵaý mınıstrliginiń «Qazgıdromet» RMM-niń málimetine sáıkes, Qazaqstannyń basym aýmaǵynda atmosferalyq aǵymdardyń ótýine baılanysty jaýyn-shashyn jaýyp, naızaǵaı oınap, ekpindi jel bolady.
Aqmola oblysynda 15-20 m/s jyldamdyqpen jel soǵyp, keı jerlerde jeldiń ekini 25 m/s-ti quraıdy, naızaǵaı oınap, kúndiz burshaq jaýýy múmkin.
Qostanaı, Batys Qazaqstan, túnde Atyraý oblysynyń jekelegen jerlerinde 15-22 m/s jyldamdyqpen jel soǵady, túnde Batys Qazaqstan oblysynyń keı jerlerinde tuman bolady. Mańǵystaý oblysynda túnde jaǵalaýda tuman bolady dep kútilýde.
Aqtóbe, Shyǵys Qazaqstan oblystarynyń keı jerlerinde 15-23 m/s jyldamdyqpen jel soǵyp, kúndiz jekelegen aýdandarda burshaq jaýady, Shyǵys Qazaqstan oblysynyń keı jerlerinde qumdy daýyl kóteriledi.
Soltústik Qazaqstan oblysynyń jekelegen jerlerinde 17-22 m/s jyldamdyqpen jel soǵady, naızaǵaı oınap, keı jerlerde tuman bolýy yqtımal.
Qaraǵandy oblysynda 15-20 m/s jyldamdyqpen jel soǵady, keı jerlerde jeldiń ekpini 25 m/s-ti quraıdy, jekelegen aýdandarda naızaǵaı oınap, burshaq jaýady.
Pavlodar oblysynda 17-22 m/s jyldamdyqpen jel soǵady. Ońtústik Qazaqstan, Qyzylorda oblystarynyń keı jerlerinde 17-22 m/s jel soǵyp, naızaǵaı oınaıdy dep kútilýde.
Almaty, Jambyl oblystarynyń keı jerlerinde 15-22 jyldamdyqpen jel soǵyp, ekpini 25m/s-ke deıin jetedi, naızaǵaı oınaıdy, Almaty oblysynda burshaq jaýýy múmkin. Qyzylorda, Ońtústik Qazaqstan, Qaraǵandy, Shyǵys Qazaqstan oblystarynyń jekelegen jerlerinde órt qaýpi kútilýde.
Aldaǵy táýlikterde Almaty jáne Jambyl oblystarynyń jekelegen taýly ózenderinde yqtımal jaýyn-shashynnyń saldarynan tasqyn bolýy múmkin. Batys Altaıdyń basym ózenderinde sý deńgeıiniń artýy baıqalady. Ońtústik Qazaqstan oblysynda sý deńgeıiniń aýytqýy baıqalady.
