Qazaqstannyń basym aýmaǵynda jańbyr jaýyp, naızaǵaı oınaıdy, ekpindi jel soǵady
TANA. 3 tamyz. QazAqparat - Qazaqstannyń basym aýmaǵynda aýa aǵyndarynyń júrýine baılanysty jańbyr jaýyp, naızaǵaı oınaıdy, ekpindi jel soǵady.
Respýblıkanyń shyǵysynda jekelegen aýdandarda burshaq túsýi múmkin, al ońtústiktiń aýa raıy jańbyrsyz bolady, dep habarlady QR TJM baspasóz qyzmeti Qazgıdromet málimetterine silteme jasap.
Atyraý, Batys Qazaqstan, Qostanaı, Aqmola, Pavlodar, Qaraǵandy oblystarynyń, túnde Soltústik Qazaqstan, Almaty oblystarynyń , kúndiz Aqtóbe, Jambyl oblystarynyń keı jerlerinde jeldiń ekpini sekýndyna 15-20 metrge jetedi. Soltústik Qazaqstan oblysynda túnde jáne tańerteń tuman túsedi.
Shyǵys Qazaqstan oblysynda da jeldiń ekpini sekýndyna 15-20 metrge jetip, burshaq jaýýy múmkin.
Mańǵystaý, Ońtústik Qazaqstan, sonymen qatar Atyraý, Qyzylorda, Jambyl, Almaty oblystarynyń keı jerlerinde aptap ystyq, al respýblıkanyń batysy men ońtústiginde óte joǵary órt qaýpi saqtalady.
Taıaý táýlikte Ońtústik Qazaqstan, Jambyl, Almaty jáne Shyǵys Qazaqstan oblystarynyń taý ózenderinde sý deńgeıiniń aýytqýy baıqalady.
