Qazaqstannyń basym aýmaǵynda jańbyr jaýyp, naızaǵaı oınaıdy, burshaq jaýýy yqtımal
ASTANA. 28 maýsym. QazAqparat - Qazaqstan Respýblıkasynyń Qorshaǵan ortany qorǵaý mınıstrliginiń «Qazgıdromet» RMK boljaýynsha, 29 maýsymda Qazaqstannyń basym bóliginde aýa raıynyń turaqsyz bolýy
saqtalady.
Atmosferalyq aǵymdardyń ótýine baılanysty jańbyr jaýyp, keı jerlerde nóserletedi dep kútilýde. Sondaı-aq ekpindi jel soǵyp, burshaq jaýýy yqtımal.
Aqmola oblysynyń jekelegen jerlerinde 15-20 m/s jydamdyqpen jel soǵady, burshaq jaýýy yqtımal, túnde jáne tańerteń tuman bolady.
Almaty, Ońtústik Qazaqstan, Mańǵystaý, Qaraǵandy, kúndiz Shyǵys Qazaqstan, Jambyl, Batys Qazaqstan oblystarynyń keı jerlerinde 15-20 m/s jyldamdyqpen jel soǵady, Atyraý oblysynda kúndiz qumdy daýyl bolady.
Soltústik Qazaqstan, Qostanaı oblystarynda jeldiń ekpini 15-20 m/s-qa jetedi, túnde jáne kúndiz keı jerlerde tuman bolady.
Pavlodar oblysynda - keı jerlerde 15-20 m/s jyldamdyqpen jel soǵyp, burshaq jaýýy múmkin.
Qyzylorda, keı jerlerde Almaty, Atyraý, Aqtóbe, Ońtústik Qazaqstan oblystarynda tótenshe joǵary órt qaýpi saqtalady.
Atyraý, Batys Qazaqstan, Aqtóbe, keı jerlerde Almaty oblystarynda kún qatty ysıdy.
Aldaǵy táýlikterde respýblıkanyń ońtústik, ońtústik-shyǵys jáne shyǵysynda sý deńgeıiniń aýytqýshylyǵy baıqalady.
