Qazaqstannyń basym aýmaǵynda jańbyr, al Qyzylorda oblysynda shań boraıdy
ASTANA. 21 shilde. QazAqparat - Qazaqstan aýmaǵynyń basym bóligi atmosferalyq aǵyndar yqpalynda bolyp, keı jerlerde jańbyr, burshaq jaýady, naızaǵaı oınaıdy, jel kúsheıedi dep kútilýde. Al respýblıkanyń batys aýdandarynda jańbyrsyz aptap ystyq saqtalady.
Bul aqparatty QR TJM baspasóz qyzmeti Qazgıdrometke silteme jasap habarlaıdy.
Qaraǵandy, Pavlodar, Aqtóbe, Qostanaı, Almaty, Qyzylorda,kúndiz Jambyl, Ońtústik Qazaqstan oblystarynyń keı jerlerinde naızaǵaı oınap, jeldiń jyldamdyǵy sekýndyna 15-22 metrge, al Qyzylorda oblysynda shań boraıdy dep kútilýde.
Shyǵys Qazaqstan oblysynyń keı jerlerinde jeldiń jyldamdyǵy sekýndyna 17-22 metrge jetip, burshaq jaýýy múmkin.
Soltústik Qazaqstan oblysynda túnde jáne tańerteń tuman túsedi.
Mańǵystaý, Atyraý jáne Batys Qazaqstan oblystarynda aptap ystyq bolady.
Batys Qazaqstan, Atyraý, Ońtústik Qazaqstan, Qyzylorda oblystarynda, Jambyl, Aqtóbe oblystarynyń batysynda, Almaty men Shyǵys Qazaqstan oblystarynyń soltústiginde tótenshe joǵary órt qaýipi saqtalady.
Taıaý táýlikte Almaty, Ońtústik Qazaqstan, Jambyl jáne Shyǵys Qazaqstan oblystarynyń taý ózenderinde sý deńgeıiniń aýytqýy baıqalady. Qazaqstannyń basqa sý nysandarynda aıtarlyqtaı ózgerister bolmaıdy.
