Qazaqstannyń basym aýmaǵynda turaqsyz aýa raıy kútilýde, qar jaýady, jekelegen jerlerde burqasyn saqtalady - 9 aqpanǵa arnalǵan aýa raıy
ASTANA. 8 aqpan. QazAqparat - Qazaqstan Respýblıkasynyń Qorshaǵan ortany qorǵaý mınıstrliginiń «Qazgıdromet» RMK boljaýynsha, 9 aqpanda Qazaqstannyń basym aýmaǵynda aýa raıy turaqsyz bolady dep kútilýde. Qar jaýýy, jeldiń kúsheıýi, jekelegen jerlerde burqasyn kútilýde.
Respýblıkanyń shyǵysy men ońtústik-shyǵysynda sýyq antıtsıklonnyń yqpalymen aıaz saqtalady.
Mańǵystaý, Atyraý, Batys Qazaqstan jáne Aqtóbe oblystarynyń jekelegen jerlerinde 15-20 m/s jyldamdyqpen jel soǵady dep kútýde.
Soltústik Qazaqstan, Aqmola oblystarynyń keı jerlerinde 15-20 m/s jyldamdyqpen jel soǵady, shalǵaı ornalasqan aýdandarda tuman bolýy múmkin.
Qaraǵandy, Qyzylorda oblystarynyń keı jerlerinde tuman bolady dep kútilýde. Kúndiz Ońtústik Qazaqstan jáne Jambyl oblystarynyń jekelegen jerlerinde 15-20 m/s jyldamdyqpen jel soǵýy yqtımal.
Almaty oblysynyń Alakól aýdanynda 18-23 m/s jyldamdyqpen ońtústik-shyǵystan jel soǵady, jeldiń ekpini sekýndyna 28 metrge deıin kúsheıýi múmkin.
Aldaǵy táýlikte Ońtústik Qazaqstan, Qyzylorda, Jambyl, Almaty jáne Shyǵys Qazaqstan oblystaryndaǵy ózenderdiń deninde muz qatý protsesterine baılanysty sý deńgeıleriniń aýytqýy baıqalady. Jekelegen ózenderde sý deńgeıiniń kenetten kóterilýinen sý basý jaǵdaılary bolýy yqtımal. 9-10 aqpanda Shardara sý qoımasyna sekýndyna 1350 tekshe metr sý keledi dep kútilýde.
