Qazaqstannyń basym aýmaǵynda sýyq aýa raıy saqtalady
ASTANA. QazAqparat - Aldaǵy kúnderi Qazaqstannyń basym aýmaǵynda sýyq aýa raıy saqtalady, dep habarlaıdy «Qazgıdromet».
«Qazaqstannyń kóptegen oblystarynda daýyldy jel týdyrǵan tsıklon Shyǵys Sibirge jyljydy. Osy tsıklonmen baılanysty sýyq arktıkalyq aǵyndar jaqyn aradaǵy kúnderi ońtústik-shyǵys, shyǵys jáne ortalyq oblystardyń aýa raıyna óz áserin saqtaıdy, bunda jaýyn-shashyndy kún raıy kútilýde, túnde qar jaýýy múmkin, túnde aýanyń temperatýrasy 0-8º sýyq, ońtústik-shyǵysta jáne ońtústikte keı jerlerde 0-3º-qa deıin sýytady», - delinedi habarlamada.
29 sáýir-1 mamyr aralyǵyndaǵy aýa raıy boljamynda atap kórsetilgenindeı, Qazaqstanǵa kelgen antıtsıklon ózgerip, qazaqstandyqtardy qaıtadan bultty, jańbyrly aýa raıy kútedi. Tek respýblıkanyń shyǵysynda, ortalyǵynda jáne ońtústik-shyǵysynda 30 sáýir jáne 1 mamyr kúnderi jyly jáne ala bultty aýa raıy kútiledi.
