Qazaqstannyń basym aýmaǵynda ótkinshi jańbyr jaýady, naızaǵaı oınap, jel kúsheıedi
ASTANA. 19 shilde. QazAqparat - Atmosferalyq aǵymdardyń ótýine baılanysty Qazaqstannyń basym aýmaǵynda ótkinshi jańbyr jaýady, naızaǵaı oınap, jel kóteriledi, dep habarlady Qazgıdromet.
Respýblıkanyń ońtústik-shyǵys jáne shyǵys aýdandarynda antıtsıklonnyń yqpalyna baılanysty kún ysıdy dep kútilýde.
Atap aıtqanda, Qyzylorda, Atyraý, Batys Qazaqstan, Soltústik Qazaqstan, tańerteń jáne kúndiz Qostanaı oblystarynda jekelegen jerlerde 15-20 m/s jyldamdyqpen jel soǵady dep kútilýde.
Mańǵystaý oblysynyń keı aýdandarynda 15-20 m/s jyldamdyqpen jel soǵady, tańerteń jaǵalaýda tuman bolady.
Aqmola, Almaty, Qyzylorda, Ońtústik Qazaqstan, Mańǵystaý, Atyraý, Qostanaı, Soltústik Qazaqstan, Pavlodar, keı jerlerde Jambyl, Aqtóbe, Shyǵys Qazaqstan oblystarynda kúnniń qatty ysýy saqtalady, Qaraǵandy oblysynda kún qatty ysıdy, keı jerlerde aptap ystyq bolady.
Qyzylorda, Ońtústik Qazaqstan, keı jerlerde Jambyl, Almaty, Qaraǵandy, Batys Qazaqstan, Aqtóbe, Qostanaı jáne Soltústik Qazaqstan oblystarynda tótenshe joǵary órt qaýpi saqtalady.
Aldaǵy táýlikterde respýblıkanyń ońtústik, ońtústik-shyǵys jáne shyǵysyndaǵy taýly ózenderde sý deńgeıiniń aýytqýy saqtalady.
