Qazaqstannyń basym aýmaǵynda ótkinshi jańbyr jaýady, naızaǵaı oınap, jel kúsheıedi dep kútilýde
ASTANA. 27 shilde. QazAqparat - Atmosferalyq aǵymdardyń ótýine baılanysty Qazaqstannyń basym aýmaǵynda keı jerlerde ótkinshi jańbyr jaýady, naızaǵaı oınap, jel kúsheıedi dep kútilýde.
Kúndiz Almaty oblysynyń taýly aýdandarynda nóserli jańbyr jaýýy yqtımal. Bul týraly Qazgıdrometke silteme jasap, QR TJM-niń baspasóz qyzmeti habarlady.
Aqmola, Jambyl, Almaty, Ońtústik Qazaqstan, Qyzylorda, Batys Qazaqstan, Qostanaı, Soltústik Qazaqstan, Pavlodar, Qaraǵandy, Shyǵys Qazaqstan oblystarynyń keı jerlerinde 15-22 m/s jyldamdyqpen jel soǵady, Almaty oblysynda qumdy daýyl bolady.
Sondaı-aq Ońtústik Qazaqstan, Qyzylorda, Jambyl, Qostanaı, Almaty, Qaraǵandy, Aqtóbe, Atyraý, Aqmola, Pavlodar, Shyǵys Qazaqstan oblystarynyń keı aýmaqtarynda joǵary órt qaýpi baıqalady.
