Qazaqstannyń basym aýmaǵynda naızaǵaı oınap, jel kúsheımek - 28 sáýirge arnalǵan aýa raıy boljamy
ASTANA. 27 sáýir. QazAqparat - 28 sáýir kúni Qazaqstannyń basym aýmaǵymen atmosferalyq aǵym bólikteriniń ótýimen, jekelegen jerlerde naızaǵaı oınap, ótkinshi jańbyr jaýady, jel kúsheıedi.
Respýblıkanyń tek batysynda ǵana senbi jaýyn-shashynsyz ótedi dep kútilýde. Bul týraly Qazgıdrometke silteme jasap, TJM-niń baspasóz qyzmetinen habarlady.
Atap aıtqanda, Aqmola, Soltústik Qazaqstan, Pavlodar oblystarynda keıbir jerlerde 15-20 m/s jyldamdyqpen jel soǵady.
Qostanaı oblysynda túnde keıbir aýmaqtardy tuman basyp, kúndiz jeldiń ekpini 18 m/s-qa deıin kúsheıýi yqtımal.
Qaraǵandy, Shyǵys Qazaqstan, Almaty, Jambyl, Mańǵystaý, kúndiz Ońtústik Qazaqstan oblystarynda - keıbir jerlerde naızaǵaı oınap, jeldiń jyldamdyǵy 15-20 m/s-qa deıin kóteriledi.
Qyzylorda oblysynda keı jerlerde naızaǵaı bolady dep kútilýde.
Qyzylorda, Ońtústik Qazaqstan, Almaty, Qaraǵandy jáne Shyǵys Qazaqstan oblystarynyń keı óńirlerinde joǵary órt qaýpi bolady dep kútilýde.
Aldaǵy táýlikte respýblıkanyń ońtústik, ońtústik-shyǵys jáne shyǵysyndaǵy taýly ózenderinde sý kóleminiń aýytqýlary baıqalady. Jaıyq ózeninde sý deıńgeıiniń baıyppen kóterilýi jalǵasady.
