Qazaqstannyń basym aýmaǵynda qysqa merzimdi, al shyǵysta kúshti jańbyr jaýady
TANA. 2 tamyz. QazAqparat - Belsendi tsıklondarmen baılanysty aýa aǵyndarynyń júrýinen Qazaqstannyń basym aýmaǵynda qysqa merzimdi, al shyǵysta kúshti jańbyr jaýady. Jekelegen aýdandarda burshaq túsip, ekpindete jel soǵady,
dep habarlady QR TJM baspasóz qyzmeti Qazgıdromet málimetterine silteme jasap.
Atyraý, Batys Qazaqstan, Aqtóbe, Qostanaı, Aqmola, Pavlodar, Qaraǵandy oblystarynyń, kúndiz Soltústik Qazaqstan oblysynyń keı jerlerinde jeldiń ekpini sekýndyna 15-22 metrge jetedi. Qyzylorda oblysynyń jekelegen aýdandarynda jeldiń jyldamdyǵy sekýndyna 15-20 metrge jetip, shań boraıdy. Shyǵys Qazaqstan oblysynda da jeldiń ekpini sekýndyna 18-23 metrge jetedi.
Mańǵystaý, Ońtústik Qazaqstan, sonymen qatar Atyraý, Qyzylorda, Jambyl, Almaty oblysynyń keı jerlerinde aptap ystyq, al respýblıkanyń batysy men ońtústiginde óte joǵary órt qaýpi saqtalady.
Taıaý táýlikte Ońtústik Qazaqstan, Jambyl jáne Almaty oblysynyń taý ózenderinde sý deńgeıiniń aýytqýy baıqalady. Shyǵys Qazaqstan oblysynyń ózenderinde nósermen baılanysty sý deńgeıiniń kóterilýi múmkin. Qazaqstannyń basqa sý nysandarynda aıtarlyqtaı ózgerister bolmaıdy.
